Maut Ka Khauf Story

Shree Ganeshay Namah:

MAUT KA KHAUF

SCENE-1

Location-  Road (bich jangal me)

Time- Night

Instruments- Jeep ya Van, Daru ki Bottle, Pistol, Pani ki Bottle, etc.

Artist- Sachin, Rohit, Akash, Joya, Shalini

(Camera ka frem open hota hai, ek awaj ko follow karte huye ghane jungal  ke bich road ke kinare khadi jeep ke pass pahuchta hai jaha ek ladki jor jor se chila ke kuch bol rahi hoti hai,aur wahi gadi ke burnat se dhua nikal raha hota hai.)

Ladki/Shalini- maine pahle hi kaha tha ki Sachin gadi chalayega to mai nahi jaungi tour pe la ke fasa diya na is ghane jungal me ab mai ghar kaise jaungi ( aur dar se rone lagti hai)

Akash- (Shalni ko gale se lagate huye) chup ho ja kuch nahi hoga hum sab ghar pahuch jayenge,

(tabhi rohit hasta hai aur rohit kahta hai)

Rohit-  hahahaha OMG kitna darti hai ladki yaar,

Joya- (joya rohit ko chup karate huye) chup ho jao rohit tumhari tarah sab nahi hote aur ye batao gadi me kya hua hai?

Rohit- good news hai, (sab ek sath bolte hai kya?)  hame yahi pe rat me rukna padega,

Shalini- (ekdam se chauk ke )kya?? Aur rone lagti hai, (Akash use chup karata hai)

Sachin- (daru ki bottle hath me liye huye ek sip marta hai aur kahta hai,) bhaiyo ab ye batao karna kya hai, yahi baithe -baithe rona hai (shalini ki taraf dekhte huye) ya kuch aur bhi karna hai.

Akash- chalo aage chal ke dekhte hai kahi kuch mil jaye jisse rat to gujar jaye aur waise bhi itni thand me is ghane jungal me hum kar bhi kya sakte hai,

Rohit- to ek kaam karte hai, mai aur akash aage ja ke kuch dekh ke aate hai, jab tak tum teeno yahi gadi me baith ke wait karo. (tabhi shalini)

Shalini- (akash ko rokte huye) nahi akash tum nahi jaoge mujhe bahut darr lag raha hai,

(akash shalini ko manane ki kosis karta hai lekin wo nahi manti)

Rohit- achha thik hai fir tum charo yahi ruko mai kuch aage dekh ke aata hu, (tabhi joya usse bolti hai )

Joya- nahi rohit  tum akele nahi jaoge mai bhi tumhare sath aa rahi hu.

(rohit aur joya waha se chal dete hai aur baki sab wahi wait karne lagte hai)

SCENE-2

Location-  Road (bich jangal me)

Time- Night

Instruments-

Artist-  Rohit, Joya

(bich sunsan road pe joya aur rohit chalte jate hai, lekin unko kuch nahi milta)

Joya- are yaar rohit mujhe nahi lagta ki yaha jungal me hame kuch milne wala hai,

Rohit- thoda aur aage chal ke dekh lete hai  sayad kuch mil jaye. (aur fir dono aage badh jate hai)

SCENE-3

Location-  Road (bich jangal me)

Time- Night

Instruments-

Artist- Akash, Shalini, Sachin

(sachin jeep se lag ke daru pi raha hota hai, aur udhar akash ek ped se lag ke shalini ko dekh raha hota hai, aur shalini sachin ko ajib si nigaho se dekh rahi hoti hai, aur kuch bolti hai)

Shalini-  yaar is duniya me bhi kitne ajib log hote hai daru pi ke apni zindgi barbad kar lete hai.

Akash- aare yaar tum kyu apna mood kharab kar rahi ho maze lo is hasin raat ka,

(akash thoda romantic mood me ye bate bolta hai, shalini akash ki taraf dekhti hai, tabhi lomdi ki awaj aati hai jungal se aur shalini darr se akash ke gale lag jati hai aur fir akash use apne baho me jakad leta hai aur fir dono ek dusre ko rok nahi pate aur fir romance karna suru ho jate hai)

Sachin-  (un dono ko dekhte huye) ye sala akash kahi bhi suru ho jata hai, sala tharki ( bottle ko dekhte huye wo jungal me andar ki taraf chal deta hai, wo thodi dur aage badhta hai to use aisa lagta hai jaise uska koi pichha kar raha ho, wo pichhe mud ke dekhta hai, lekin use koi nahi dikhta to use lagta hai aaj use bahut chadh gayi hai aur fir wo bolta hai) sala aaj ye ek bottle chadh gayi,( aur fir haste huye wo wahi pe susu karne lagta hai, tabhi kisi ke jor se chikhne ki awaj aati hai sachin dar ke pichhe ki or bhagta hai)

CUT  TO CUT SCENE

(idhar akash aur shalini bhi dar jate hai, aur udhar rohit aur joya bhi dar ke gadi ki taraf bhagte hai, sab gadi ke pas ikathe hote hai, lekin waha sachin nahi hota, sab dar  ke mare sachin ko dhudhne idhar udhar bhagte hai, akash aur shalini, ek taraf aur rohit aur joya ek taraf ho jate hai sab sachin ko awaj laga rahe hote hai)

(idhar sachin jungal me rasta bhatak jata hai, aur dar ke mare kisi ped ke pichhe chhupne ki kosis karta hai tabhi use lagta  hai jaise uske pair me kisi janwar ne kat liya ho aur sachin waha se bhagta hai aur rasta dhundhta hai fir ek jagah khade hokar  idhar udhar dekhta hai tabhi sachin ke pichhe se koi usse pakdne ki kosis karta hai, sachin dar se apna pistol uske uper fire karne ki kosis karta hai lekin wo dekhta hai, ki wo akash hota hai,aur sath me shalini bhi hoti hai)

Akash- abe tu yaha kya kar raha hai waha tujhe sab dhundh rahe hai, (sachin darte darte kuch kahne ki kosis karta hai lekin akash bolta hai) sale isiliye bolta hu jyada mat piya kar nashe me idhar udhar ghumta rahta hai, (aur uske gale me hath daal kar use le ke chal deta hai unke thik pichhe ek horror hand ped ke piche chupta hua dikhta hai)

CUT  TO CUT SCENE

(sachin, akash, aur shalini gadi ke pas pahuchte hai idhar rohit aur joya bhi pahuch jate hai, sab sachin ko bolte hai aur sachin ko gussa aa jata hai,aur bottle patak ke bolta hai)

Sachin-  are nashe me nahi hu  yaar mai, mujhe kuch jungal me dikha jiske piche mai gya tha tum sab meri bat sunane ko razi hi nahi ho.

Akash- achha to tu kya kahna chahta hai ki is jungal me bhoot hai, achha chal mai bulata hu use oye bhoot kaha ho aao na chalo luka chhipi kyu khel rahe ho (aur sab hasne lagte hai lekin sachin ki dar se halat kharab rahti hai aur wo dar se gadi me jake baith jata hai hai)

(sab has rahe hote hai  lekin tabhi  akash waha se gayab ho jata hai, sab palat ke dekhte hai aur fir shalini aur rohit akash ko dhudhne ke liye jungal ki or bhagte hai aur akash udhar se mazzak karte huye aata hai)

Akash-  tum sab dar gye na dar gaye na tum sab

Shalini- (akash ko pyar se marti hai aur rote huye kahti hai) tumne to meri jaan hi le li thi

(akash usko gale se laga leta hai)

(idhar sachin ke pair me kisi janwar ne kha liya hota hai ye bat sabko bad me pata chalti hai aur sachin  ki tabiyat kharab hone lagti hai, sab tention me aa jate hai ki ab itni rat ko kaha se help liya jaye)

(dhire dhire sachin ki halat kharab hoti jati hai  aur wo ek jungali janwar me badalne lagta hai sab dar jate hai sachin sabko bhagane ki kosis karta hai aur kahta hai bhaag jao is jungal se nahi  to koi zinda nahi bachega, ye sab dekh shalini bilkul dar jati hai aur akash ko bolti hai sabko chhod ke waha se jane ke liye tabhi rohit)

Rohit- nahi aisa kaise ho sakta hai sachin apna dost hai hum ise aisi haalat me kaisse chhod ke ja sakte hai, (rohit ki bat akash aur shalini nahi mante aur wo waha se bhag lete hai)

SCENE-4

Location-  Road (bich jangal me)

Time- Night

Instruments-

Artist- Akash, Shalini

(idhar akash aur shalini bhagte bhagte jungal se nikalne ki kosis karte tabhi unhe samne se kisi janwar ki saya dikhti hai aur ye dar jate hai aur tabhi wo janwar inka pichha karne lagta hai aur dono jaan bacha kar gadi ki taaraf bhagte hai )

SCENE-5

Location-  Road (bich jangal me)

Time- Night

Instruments- Jeep ya Van, Daru ki Bottle, Pistol, Pani ki Bottle, etc.

Artist- Sachin, Rohit, Akash, Joya, Shalini, Jungali janwar

(idhar sachin ko joya aur rohit le ke baithe hote tabhi samne se akash bhagta hua aata hai aur awaj lagat hai sab gadi me andar baitho piche se janwar ko aate dekh ye dono bhi dar jate hai jaise taise wo gadi me baithte hai aur pichhe ka gate khol ke akash aur shalini ka wait karte hai akash to jaldi aa ke gadi me baith jata hai lekin shalini ko wo janwar pakad ke le jata hai ye dekh akash dubaara gadi me se sachin ka pistol le ke nikalta hai aur uska pichha karta hai kelin tab tak wo janwar shalini ko le ke jungal me ja chukka hota hai, akash wahi rone lagta hai aur kahta hai)

Akash- are yaar hum ye kaha fas gaye shalini ko meri wajah se jaan gawani padi , ( tabhi jungal se shalini ki chikhane ki awaze aati hai ye sun akassh baukhla jata hai aur uth ke jungal ki or jane ki kosis karta aur kahta hai) shalini mai aa rah hu (lekin rohit use rok leta hai)

Rohit- abe pagal ho gya hai kya kaha ja raha shalini ab nahi aane wali bas ab apni jaan bachao ( tabhi joya gadi se nikal ke bhagte huye aati hai  aur rohit ke piche chhup ke)

Joya-  rohit wo dekho (joya rohit ko gadi ki taraf dikhati hai)

 (sab gadi ki or dekhte hai sachin ekdam jungali janwar ban chukka hota hai, aur inki taraf lapkta hai, lekin rohit akash se pistol le kar us par firing karne lagta hai jisse sachin wahi gadi ke pas gir jata hai fir sab jaldi jaldi gadi ke andar baithte hai tabhi akash ka pair sachin pakad leta hai aur use bahar khichne lagta hai, ye dekh akash apni jaan bachane ke liye rohit ki help mangta hai, aur rohit uska hath pakdta hai, lekin)

Rohit- sorry dost hum tujhe apne pass nahi rakh sakte apni jaan khud bachao good bye (aur rohit  gadi ka gate band kar leta hai ye dekh joya rohit ko bahut bhala bura kahti hai, aur idhar akash ko sachin ghasit kar jungal me le jata hai)

Rohit-  wo chhamak chhallo jyada chillane ki jarurat nahi hai(pistol dikhate huye )

Joya- mujhe pata hota ki  tum itne swarthi ho ki apni jaan bachane ke liye dusro ki jaan le sakte ho to mai tumse kabhi pyar nahi karti,

Rohit- hahahaha mai apni jaan bachane ke liye tumhari jaan bhi le sakta hu, samjhi..

(joya use ajib si nazro se dekh rahi hoti hai, tabhi jangali janwaro ki awaze aane lagti hai aur dhire dhre sab janwar road pe aane lagte hai, ye dekh rohit  aur joya dar jate hai, aur dhire sabhi janwar gadi ke aas pass aa jate hai aur gadi pe chadhana suru kar dete hai rohit bahut dar jata hai aur wo joya ko gadi se bahar dhakka de deta jisse sare janwar joya ki or lapkane lagte hai jiska fayda uthakar  rohit  gadi se bahar nikal jata hai aur akele jungal me bhagne lagta hai,)

 SCENE-5

Location-  Road (bich jangal me)

Time- Night

Instruments-

Artist- Sachin, Rohit, Akash, Joya, Shalini, Jungali janwar

(sunsan jungal me road ke bich rohit akela bhag raha hota hai, rohit piche dekh ke bhag raha hota hai, tabhi wo kisi se takrata hai, rohit ki nazar shalini pe padti hai jo ki jungali janwar ban chuki hoti hai)

Rohit- shalini mujhe maaf kar do shalini mujhse galti ho gayi, (shalini kuch nahi sunti wo dhire dhire rohit ki taraf badhti rahti hai wo waha se piche ki taraf bhagta hai tabhi uski nazar sachin aur akash pe padti hai , wo dusri taraf se aa rahe hote hai, rohit tisri taraf  bhagta hai waha se joya aati dikhti hai wo charo taraf se ghir chukka hota hai wo sabse maafi mangta hai gidgidata hai aur sab uske uper tut padte hai aur fir kuch der tak rohit ki rone chillane ki awaz aati hai fir awaz shant ho jati sab rohit ko chhod dete hai, jab sab rohit ko chhod ke hatte hai to rohit bhi jungali janwar ban chuka hota hai fir sab chand ko dekh ke sar uper kar ke lomdi ki awaj nikalte hai….. hhhhhuuuuuuaaaaa…….

                                                                                  Story and Script by- Sachin mishra

                                                             For more story visit on my website:-www.hindipoem.info